Ecc 9:13-18 | SwhKC | STEP | Pia niliona chini ya jua mfano huu wa hekima ambao ulinivutia sana:

Ecclesiastes 9:13-18

13 ^aPia niliona chini ya jua mfano huu wa hekima ambao ulinivutia sana: 14 Palikuwa na mji mdogo uliokuwa na watu wachache ndani yake. Mfalme mwenye nguvu akainuka dhidi yake, akauzunguka akaweka jeshi kubwa dhidi yake. 15 ^bKatika mji huo kulikuwepo mtu mmoja maskini lakini mwenye hekima, naye akauokoa ule mji kwa hekima yake. Lakini hakuna aliyemkumbuka yule maskini. 16 ^cKwa hiyo, nikasema, “Hekima ni bora kuliko nguvu.” Lakini hekima ya maskini imedharauliwa, wala hakuna anayesikiliza maneno yake.
17 ^dManeno ya utulivu ya mwenye hekima
husikiwa kuliko makelele ya mtawala wa wapumbavu.

18 ^eHekima ni bora kuliko silaha za vita,
lakini mwenye dhambi mmoja
huharibu mema mengi.